屈埋屈埋…所以編野比較長,唉…想睇就睇啦,都係想申下姐

我同依家呢個女朋友拍拖只係大半個月

但佢就咩都要管,包括我份糧,我同咩人去玩

平時放假既活動,FB既活動,同埋要我計劃買樓

 

講下份糧先,我出糧諗住轉電話,去左數記睇

IP4,佢竟然係咁嘈我,又話有咩好周街都係..等等冷言冷語

廠房,房屋新建、整修、空間設計規劃專家!➢

好啦…最後都買唔成,咁諗住去買返幾隻GAME

返屋企玩下,佢又係度嘈…嘩幾百蚊買隻CD乜乜柒柒

 

我開始火,我就唔理佢照買左三售GAME,差唔多成千埋單

跟住佢全程"西"我面,自己一個行,我問佢做咩?佢又話無野

跟本我話不如去食野,佢都唔睬我,我嬲嬲地咪走囉

跟住佢SEND簡訊話同我分手,我R曬頭,我做錯咩事?

 

跟住我唔理佢,到左夜晚佢自己打返俾我,話俾返條鏈我

叫我依家嚟囉,我明明無錯,我就問佢發生咩事?

佢又話無事,跟住我問佢無事做咩要分手,跟住佢話我唔尊重佢

我問佢幾時有唔尊重佢,佢話叫我唔好曬錢買GAME

 

而我照買,原來咁樣都叫唔尊重?因為岩岩一齊唔耐

所以唔想搞咁多野,結果死狗同佢SAY SORRY

我呢一步行得好錯,換嚟依家呢個惡果….

我放工同班FD去打芒享,佢又話我做咩收左工唔返屋企

 

我同佢解釋,話去打機,佢就話我細路仔,打機都唔陪佢

我話返到屋企先打俾佢同佢傾電話,跟住佢就話唔駛打

佢好眼訓,想早d訓,咁我就照佢意思做,無打俾佢,跟住起身睇睇個電話

收到好多佢SEND嚟既簡訊,內容大致係叫我唔駛打俾佢

 

佢呢排好忙同好煩想清靜下,我又R曬頭,諗下自己做錯咩

跟住打俾佢問佢做咩結果佢息埋機,我開始痴線啦…

唉….開始覺得佢痴痴地,邊有一個人會咁小氣同無理取鬧

我下定決心今次唔再就佢,分手就分手啦!

 

結果大家一日無搵大家,第二朝佢打俾我話清靜完,無事啦

唉….果一刻我真係想爆粗…但結果都忍左佢

我同佢都係放星期日,咁星期六叫佢上嚟我度訓,佢又唔肯

咁叫佢上嚟我度大家傾下計,識左大半個月只係可以抱下,錫下

摸下都唔得,我同佢講我都係正常人,同自己鍾意既人親熱下都好正常

佢又話唔想咁快,放親假都叫我上佢屋企食飯,食完就ON鳩鳩成家睇電視

,呢兩個星期都係咁,呢方面佢又唔覺得快左D喎,我真係唔明佢諗咩

重有係FB度成日插咀我同朋友既對話,同埋成日同人講我係佢老公

(用意係斷絕我同其他女既交往)

講就係老公,但連摸下都唔俾,搞野更加係無期,心都UP

最後最搞笑既就係,我19歲,佢大我少少岩岩20歲

大家搵埋都係得果雞碎咁多….佢竟然…竟然…..

竟然話大家一齊儲錢買樓喎,開聯名,我拒絕左佢呀!

所以依家佢重嬲緊我…唉叫佢去死啦!無眼睇呀

今次我係真係堅慘…