我男朋友一向都幾誠實是乖乖仔果類

我知佢超注重形像，即成日都要自己保持好紳士斯文果類

不過最近我發覺佢好有D野瞞住我，佢平時如果會好慢覆我簡訊都會解釋自己做緊咩

 

但最近佢無解釋，問佢做咩，只是不停話 do nothing。後來我發現佢原來是瞞住我打機。

我唔會check佢電話record，因我覺得咁真係好無品。

廠房,房屋新建、整修、空間設計規劃專家!➢

但因佢玩果個game我都有玩開ge，在game裡係friend ge 會睇到D history

其實我唔明點解佢會瞞我，明明話比我聽會比較好，反正我都有玩這隻game我會比佢玩

 

加上果隻game (其實是LOL) 是極度需要集中力，要邊玩邊仲覆message係好難也好麻煩

佢反而係唔話比我知打緊機，都堅持邊玩邊覆我message

咁我唔知佢玩緊，我當然覺得佢係覆得耐

有次我試過發脾氣話，佢掛住玩，我話情願你老實同我講你係玩緊，我會比你玩ge，咁你唔洗邊玩邊覆我咁辛苦，而我都唔會因覺得你覆得慢而有咩誤會。但佢同我講話，因我好想同你傾計，好想我打緊機你都照同我講野。但我都係堅持叫佢下次老實講比我知你打緊機。佢亦都應承過我ge。

 

但之後佢都係成日瞞住我打機

我知有D似check手機，但打機的始終無咁隱私又唔難check

有時我做過暗示話LOL是情侶終結者，LOL成日搶我男友之類

佢係會好大反應咁話唔鐘意我講呢D我地好似會散ge說話

 

所以我現在唔敢發佢脾氣又唔敢暗示D咩，因我驚佢知我check佢打機record又怕佢唔鐘意

我知網友們應該覺得瞞打機姐，無咩所謂

但我一直鐘意佢愛佢是因佢誠實

我唔鐘意人講大話，次次佢好老實咁講一D好損佢形象ge野我都好開心好鼓勵佢ge

 

我只希望佢一直對住我都保持誠實現在問佢

我知我應該要比反D空間佢

不過我又唔知點做先可以佢又舒服我又舒服

有時我都同佢講過有D野如果佢真係好唔想講佢可以直接講：我唔想講，又或者用我好忙呢D虛Dge答案，我都唔會追問。只是明明打機姐，我唔明點解唔講得

 

都係果句啦，你地可能覺得只係小事，但我驚佢日後慣左就會瞞D嚴重ge野。

而佢現在真係開始講大話，話我無玩，而再唔係隱瞞式咁講do nothing